Actividades Extraescolares Curso 2022-2023

Outro ano máis dende Amencer poñemos en marcha a nosa proposta de actividades extraescolares para o curso 2022/2023. Dentro da nosa proposta de actividades é preciso saber que:

Os nenos e nenas de Ed. Infantil e 1º ciclo de Ed. Primaria recolleranse nas súas aulas, o resto deberán dirixirse directamente a aula correspondente.
No caso de Ed. Infantil e Primaria teremos un pequeno momento antes de comezar a actividade para que poidan merendar.
No caso de que algún rapaz/a non poida asistir a extraescolar, rógase avisar ben ao animador/a da mesma ou ben a través de calquera canle de comunicación de Amencer.
A última semana de clase do 1º trimestre non haberá ningunha sesión de extraescolares debido á preparación da Operación Quilo.
No caso de non chegar ao número mínimo nalgunha das extraescolares e polo tanto non saír adiante, informarase a máis tardar o 29 de setembro da cancelación da extraescolar e do proceso de devolución da cota.

Deste modo, a nosa proposta de actividades extraescolares é:

Música e movemento

Actividade onde os máis pequenos descobren a íntima unión entre a linguaxe, a voz, o movemeento e a música e como todos eles teñen unha raíz común que é o seu corpo.

Cociña divertida

Actividade onde os máis pequeno achegaranse ao mundo da conciña a través de pratos divertidos e saudables

Obradoiro de guitarra

O obxectivo da actividade é que os mozos e mozas que participen teñan un achegamento ao instrumento así como perfeccionar a súa técnica.

Xogando co inglés

Actividade onde os máis pequenos, a través do xogo, achegaranse ao idioma dun xeito lúdico

Ciencia divertida

Achegar aos máis cativos ao mundo da ciencia través de experimentos que eles mesmos poderán facer, sempre dirixidos por un animador/a dunha forma lúdica e educativa

Iniciación ao teatro

Os obxectivos desta actividade son, entre outros, que os rapaces e rapazas adquiran coñecementos en relación ao teatro, potenciando as súas habilidades sociais e afectivas e o desenvolvemento corporal e físico a través de distintas dinámicas, exercicios e xogos

Club de lectura

Actividade para promover a lectura entre os mozos e mozas así como as súas familias. A proposta é a lectura dun libro ao mes, previamente escollido entre todos os participantes para comentalo e analizalo de xeito informal no próximo encontro

	DESTINATARIOS	DÍA	HORARIO	ESPAZO	COTA
XOGANDO CO INGLÉS	Ed. Infantil	Luns	17.30 a 18.30	Biblioteca Amencer	150€/ano
CIENCIA DIVERTIDA	Ed. Infantil e Ed. Primaria	Mércores	17.30 a 18.30	Laboratorios secundaria	120€/ano
COCIÑA DIVERTIDA	Ed. Infantil e Ed. Primaria	Xoves	17.30 a 19.00	Comedor do pórtico	175€/ano
MÚSICA E MOVEMENTO	Ed. Infantil	Venres	17.30 a 18.30	Aula psicomotricidade	120€/ano
OBRADOIRO DE GUITARRA	Ed. Primaria e ESO	Luns	17.30 a 19.00	Aula Música Primaria	175€/ano
INICIACIÓN AO TEATRO	Ed. Primaria e ESO	Martes	17.30 a 19.00	Teatro	175€/ano
CLUB DE LECTURA	ESO, Bacharelato e Familias	1 día ao mes (a convir)	1 hora ao mes (a convir)	Biblioteca Amencer	Gratuíto

INSCRICIÓNS

Para poder participar nalgunha destas actividades será preciso cubrir o seguinte formulario de inscrición no cal é obrigatorio adxuntar un xustificante de pago (en caso de dúbida consultar en Amencer).
Amencer dispón de diferentes formas de pago: efectivo, TPV ou transferencia bancaria (Número de conta ES12 2080 5261 1130 0001 1450 (A BANCA) co concepto (Nome da extraescolar+ Nome do participante)
Dispoñemos de dúas modalidades de pago:
- Pago único: efectuarase no momento da inscrición
- Pago fraccionado: efectuarase a primeira metade da cota no momento da inscrición e a segunda metade no mes de febreiro.
Se a inscrición realizárase durante o curso escolar, cobrarase a parte proporcional correspondente ao período.

INSCRICIÓN ONLINE

Antes de inscribirse consultar extraescolares abertas por teléfono ou por correo electrónico

EN CASO DE BAIXA

Non se considerará formalizada a baixa ata que non se cubra o correspondente formulario de baixa
Devolverase a parte proporcional, tomando como referencia o costo anual da actividade fraccionada en 8 mensualidades
Será necesario comunicar a baixa 2 días antes de finalizar o mes, senón cobrarse o seguinte. Exemplo: Se a baixa se produce o 13 de novembro, cobrarase o mes enteiro e devolverase a partir de decembro.

Formulario de baixa