Prezadas familias:
Querémosvos presentar a última actividade do curso: a Saída á Praia. O vindeiro sábado 10 de xuño imos ir pasar un día de convivencia e excursión á zona de Praia do Vao. Ás 10:30h sairá o autobús dende a asociación e volveremos á mesma ás 19:30h (Rógase puntualidade). Pasaremos o día enteiro gozando da natureza. Estamos todos convidados/as a participar nesta actividade: rapaces/zas, animadores/as e familias aínda que non sexan de grupos (Saltimbanquis, Andaina, ADS e Catecumenado). A viaxe será en autobús para quen queira, e senón pódese ir en coche. O prezo do autobús será de 12€ por persoa co carné actualizado e 15€ co carné sen actualizar.
Para pasar o día na praia será preciso traer:
- Xantar (comida, merenda e bebida)
- Traxe de baño (preferiblemente xa posto)
- Toalla
- Gorra
- Crema solar
- Roupa para cambiarse
A inscrición a actividade farase a través dun formulario online, dispoñible escaneando o seguinte código QR ou a través directamente da páxina web de Amencer. A data límite para poder inscribirse será ata o xoves 8 de xuño ás 14:00h.
Coidamos que é un bo momento para compartir convosco o noso labor de animación cos vosos fillos e fillas; por iso gustaríanos que participarades nesta saída á praia. Contamos coa vosa presenza.
No caso de calquer dúbida, baixa de última hora ou imprevisto, o teléfono de contacto de ese día será o móbil de Amencer: 627. 963. 883, pois non estaremos nas oficinas.
| Un saúdo Equipo de Animadores e Animadoras |