FESTA DO PANO ADS
Benqueridas familias:
Un ano máis chega unha das actividades máis importantes para todos os que formamos os grupos do itinerario (Saltimbanquis, Andaina e ADS). Trátase da “Festa do Pano”, que celebraremos os días 29 – 30 de marzo. Como todos os anos, realizarase na vila de Allariz, comezaremos o sábado pola mañá e cada rapaz/a deberá levar, ademais dos símbolos de cada movemento:
| ADS (nunha mochila que quedará no albergue) | ADS (noutra mochila diferente) |
| Roupa cómoda Muda e útiles de aseo Saco de durmir Gorra de sol ou chuvasqueiro (en función do tempo) | Roupa cómoda Calzado cómodo para camiñar Mochila para levar as cousas da piscina (toalla, chanclas, gorro) Xantar e merenda do sábado e auga |
Gustaríanos que o domingo compartades connosco e cos vosos fillos, un dos momentos máis importantes do curso, a imposición de símbolos. Teremos xogos, partido pais contra fillos, concurso de postres e a Eucaristía de imposición, para rematar coa comida compartida. Para o xantar compartido do domingo, Amencer invitaravos ao café e á sobremesa. As familias que suban o domingo deberán traer a súa propia comida, nós so damos de comer aos inscritos á actividade desde o sábado. Por tema organizativo pedímosvos que na inscrición indiquedes cantas persoas ides participar o domingo. As familias que non poidades subir o domingo non vos preocupedes, pois encargámonos nós dos vosos fillos.
A saída será o sábado 29 de marzo ás 10.30 h. desde Amencer e o regreso será o domingo 30 de marzo, contra ás 16.00 h.
| HORARIO SÁBADO |
| 11:00h Saída dos autobuses cara Allariz |
| HORARIO DOMINGO |
| 10:30h Acollida ás familias dos rapaces/zas no Albergue de Allariz 11.00h Actividade coas familias (traer roupa cómoda para xogar cos vosos fillos) 12.30h Eucaristía 13:45h Xantar compartido 15:30h Regreso a Ourense |
O prezo desta actividade completa para ADS será de 43€. Este prezo inclúe os desprazamentos en bus, entrada á piscina, cea do sábado, durmida en Allariz, almorzo e comida do domingo. Para outro tipo de participación preguntade en Amencer. LEMBRADE QUE O TEMA ECONÓMICO NON SEXA UN IMPEDIMENTO PARA PARTICIPAR, FALADE CON NÓS.
Neste trimestre temos unhas das actividades máis importantes para os grupos de Saltimbanquis e Andaina. Trátase da “Xuntanza IEF” dos grupos de Galicia e a “Festa do Pano”. Este ano decidimos facelas na mesma fin de semana por motivos económicos e organizativos. Celebraremos ditas actividades nos días 29 – 30 de marzo. A xuntanza dos grupos IEF será en Lugo e a Festa do pano realizarase na vila de Allariz.
Para esta actividade cada rapaz/a deberá levar, ademais dos símbolos de cada movemento:
| Unha mochila (Para levar a Allariz) | Outra mochila pequena aparte (Para levar a Lugo) |
| Roupa cómoda Muda e útiles de aseo Saco de durmir Gorra de sol ou chuvasqueiro (en función do tempo) | Xantar e merenda do sábado |
Gustaríanos que o domingo compartades connosco e cos vosos fillos, un dos momentos máis importantes do curso, a imposición de símbolos. Teremos xogos, partido pais contra fillos, concurso de postres e a Eucaristía de imposición, para rematar coa comida compartida. Para o xantar compartido do domingo, Amencer invitaravos ao café e á sobremesa. As familias que suban o domingo deberán traer a súa propia comida, nós so damos de comer aos inscritos á actividade desde o sábado. Por tema organizativo pedímosvos que na inscrición indiquedes cantas persoas ides participar o domingo. As familias que non poidades subir o domingo non vos preocupedes, pois encargámonos nós dos vosos fillos.
A saída para Saltimbanquis e Andaina será o sábado 29 ás 9:15 desde Amencer e o regreso será o domingo 30 de marzo, contra ás 16.00 h.
| HORARIO SÁBADO |
| 09:30 h. Saída dos autobuses cara Lugo 18:00 h. Saída dos autobuses cara a Allariz |
| HORARIO DOMINGO |
| 10:30 h. Acollida ás familias dos rapaces/zas no albergue de Allariz 11.00 h. Actividade coas familias (traer roupa cómoda para xogar cos vosos fillos) 12.30 h. Eucaristía 13:45 h. Xantar compartido 15:30 h. Regreso a Ourense |
O prezo desta actividade completa para Saltimbanquis e Andaina será de 60€. Este prezo inclúe os desprazamentos en bus a Lugo e a Allariz, cea do sábado, durmida en Allariz, almorzo e comida do domingo. Para outro tipo de participación preguntade en Amencer. LEMBRADE QUE O TEMA ECONÓMICO NON SEXA UN IMPEDIMENTO PARA PARTICIPAR, FALADE CON NÓS.
