A Asociación Xuvenil Amencer vólvese pór en contacto convosco para anunciarvos que xa podedes inscribir aos vosos/as fillos/as nas XX Mañás de Verán, un proxecto que nace co obxectivo de educar dunha forma lúdica a través do xogo, favorecer tamén a participación e o traballo en equipo, e poder seguir empregando as instalacións do noso colexio fora do horario escolar.
Outro dos nosos obxectivos é a de facilitar á conciliación familiar e laboral.
Os destinatarios/as destas actividades poderán ser todos os nenos e nenas desde 4º de Educación Infantil, ata 2º da ESO, ambos inclusive:
- Mañás de Verán Infantil para nenos/as de 4ºEI, 5º EI e 6ºEI
- Mañás de Verán Primaria para rapaces/zas de 1ºEP a 6ºEP
- Mañás de Verán ESO para mozos/zas de 1º e 2ª ESO
DATAS E HORARIOS
As actividades de Mañás de Verán realizaranse de luns a venres nas instalacións do Colexio Salesiano María Auxiliadora nos meses de xuño e xullo:
- 1º semana, do 23 ao 27 de xuño
- 2ª semana, do 30 de xuño ao 4 de xullo
- 3ª semana, do 7 ao 11 de xullo
- 4º semana, do 14 ao 18 de xullo
- 5º semana, do 21 ao 24 de xullo
O horario das actividades será de 9:30h a 13:30h. con apertura de portas pola mañá dende ás 9:00h ata 9:30h, e ao mediodía dende ás 13:30h ata as 14:00h, co fin de facilitar as entradas e saídas escalonadas.
SERVIZO DE MADRUGADORES
Antes do horario da actividade, dende as 7:45h ata as 9:00h.
SERVIZO DE MEDIODÍA
Despois da actividade, dende as 14:00h ata as 15:15h tendo a posibilidade de que os rapaces/as coman neste tempo traendo unha friameira que podan consumir de modo individual.
SERVIZO DE COMEDOR
Este ano seguimos ofrecendo o servizo de comedor dende as 14:00h ata as 15:15h.
(CALENDARIO DE COMEDOR)
PROGRAMACIÓNS E AVISOS
Como cada ano, ofreceremos programas diferentes en función das idades dos/as participantes e cada programa será completamente independente do resto, cun equipo de monitores/as propio, espazos de uso exclusivo e dándolle preferencia aos espazos ao aire libre.
As actividades desenvolveranse principalmente nas instalacións do colexio salesiano, ademais contemplase xa en programación saídas puntuais en pequenos grupos a parques ou zonas da cidade próximas ás instalación e piscinas.
Proximamente teredes dispoñible o programa de actividades no que se inclúe que precisan traer os rapaces/zas cada día.
Do mesmo xeito, tamén recordamos que a programación pode sufrir modificación por motivos alleos á organización, polo que rogamos revisar os avisos diarios que colocaremos nas entradas e nas redes sociais de Amencer.
REUNIÓN INFORMATIVA PARA PAIS E NAIS
A reunión informativas de Mañás de Verán será o xoves 5 de xuño ás 20:00h na Aula Magna do colexio salesianos.
COTAS
O prezo inclúe, entre outras cousas, o emprego de materiais, animadores/as, uso de instalacións, etc.
A cota de cada participante dependerá do número de semanas nas que participe e se é socio de Amencer e/ou do ANPA do Colexio Salesiano María Auxiliadora, xa que contará cun desconto de 5€ e/ou 7€, respectivamente. Ademais, tamén haberá un desconto por irmán de 5€.
Os prezos son:
| COTA XERAL | SOCIOS ANPA María Auxiliadora | SOCIOS AMENCER | SOCIOS ANPA María Auxiliadora e SOCIOS AMENCER | |
| 1 semana | 60€ | 53€ | 55€ | 48€ |
| 2 semanas | 110€ | 103€ | 105€ | 98€ |
| 3 semanas | 160€ | 153€ | 155€ | 148€ |
| 4 semanas | 200€ | 193€ | 195€ | 188€ |
| 5 semanas | 235€ | 228€ | 230€ | 223€ |
Servizo de madrugadores: 15€/semana
Servicio mediodía con ou sen friameira: 15€/semana
Servizo de comedor: 45€/semana
Para realizar o pagamento existen dúas posibilidades:
- Ingresando no seguinte número de conta ES12 2080 5261 1130 0001 1450 (A BANCA) co concepto MDV+Nome do participante.
- Achegándose as nosas oficinas en Praza Don Bosco 1, baixo para facelo en efectivo ou tarxeta.
NINGÚN NENO/A SEN CAMPAMENTO
Unha cousa que queremos deixar clara desde a organización é que non queremos que ningún rapaz/a deixe de participar e gozar desta oportunidade só por motivos económicos. Por iso, se algunha familia se atopa nesta situación, que se poña en contacto con nós para buscar a mellor solución entre todos.
INSCRICIÓNS
As inscricións realizaranse de forma online, a través do seguinte enlace, dende o martes 6 de maio ata o 19 de xuño ás 18:00h.
É posible que non vos interese ou non poidades traer aos vosos fillos/as ás cinco semanas de campamento, por iso dámosvos a opción de que participen unha, dúas, tres, catro ou cinco semanas que vós elixiriades, pero sempre semanas enteiras, nunca días soltos. Sempre que queden prazas e por rigorosa orde de inscrición, poderedes facer ampliación en secretaría antes do xoves da semana anterior.
