A Asociación Xuvenil Amencer vólvese por en contacto convosco para anunciarvos a posta en marcha un ano máis da actividade para as tardes de setembro, Tempo de Troula. Dende o 9 ao 30 de setembro polas tardes para o entretemento de nenos e nenas de 3 a 12 anos. Prazas limitadas!
Os obxectivos que nos marcamos con este proxecto son educar en valores a través do xogo, favorecer a creatividade dos vosos fillos/as, favorecer tamén a participación e o traballo en equipo. Outro dos nosos obxectivos é facilitarvos a conciliación da vosa vida laboral coa vosa vida familiar.
HORARIOS E DATAS
As actividades da XIV edición de Tempo de Troula Xuño realizaranse de luns a venres dende o 9 de setembro ata o 30 de setembro. O horario das actividades será dende as 15:00h ata as 17:30h nas instalacións da Asociación Xuvenil Amencer e nos xardíns do colexio salesiano.
Os nenos e nenas que queden a comer no comedor do colexio salesiano, poderemos recollelos ás 15:00h, para levalos directamente á actividade.
DESTINATARIOS
Os destinatarios/as destas actividades poderán ser todos os nenos e nenas dende 4º de Infantil (3 anos), ata 6º de Primaria (incluídos) de calquera colexio de Ourense.
Recomendamos a todos os participantes que traian unha gorra e unha botella de auga (se é posible con nome).
PROGRAMACIÓN
Priorizarase a realización de tódalas actividades ao aire libre. Algunhas das actividades que se levarán a cabo serán obradoiros, grandes xogos, animación á lectura, ciencia divertida, xincanas musicais, deportivas…
COTAS
O prezo inclúe, entre outras cousas, o emprego de material, animadores/as, uso de instalacións, etc. A cota de cada participante dependerá do número de semanas nas que participe. Os rapaces do ANPA de Salesianos terán 7€ de desconto a maiores sobre o total.
É posible que non vos interese ou non poidades traer aos vosos fillos/as en toda á actividade, por iso dámosvos a opción de que participen por semanas independentes.
| TEMPO DE TROULA SETEMBRO 2025 | |||||
| 9 ao 11 de setembro | 14 ao 18 de setembro | 21 ao 25 de setembro | 28 e 30 de setembro | Tódolos días | |
| Xeral | 24€ | 40€ | 40€ | 24€ | 115€ |
INSCRICIÓNS
As inscricións realizaranse de forma online no enlace que aparece a continuación. En caso de dúbidas ou dificultade para realizar a inscrición contactar en secretaría ben por correo electrónico ou por teléfono en horario de 9:00h a 14:00h dende o 7 de setembro, para poder realizala presencialmente nas nosas instalacións.